Assam in Anti-Land Grabbing Bill a pass

Guwahati, July 17, 2010: Zani khan Assam Legislative Assembly chun Assam state sunga indiklo tak le nasa taka sorkar, pawl le mimal ram inchaw a, sumdawngna a hmang pawl hai do na dingin Assam Land Grabbing (Prohibition) Bill, 2010 chu alo pass tah.

Hi dan hi urban le rural area a hai chauh hmang thei ning a ta, 6th Schedule hnuoia um Autonomous Council a hai ruok chu hmang thei ni naw nih, ti a nih. Assam Revenue Minister Dr. Bhumidar Barman chun Assam sorkar in Assam sunga ADC hai khom rawnin hriltlangpui a ta, hi dan hin an Council hai huom an nuom sa phot chun hmang thei dingin hma lak ning a tih, tiin a hril.

Hi dan dungzui chun indiklo taka ram inchawtu le latu hai hi a tlawm tawpah kum 2 jail ah thun ning an ta, kum 5 chen khom an intang suksie thei ning a ta, Rs. 25,000 in fine tir ning an tih, ti a nih.

Indiklo taka ram lak thubuoi a um chun hi dan hnuoia hin special tribunal indin ning a ta, hi tribunal hi High Court a inthrung mek Judge annawleh Retired ta hai hnuoiah enfel ning a tih.