T-Dam bawl dingin mipui ngaidan lak ding

Shillong, July 16, 2010: Zani khan Union Minister of State for Water Resources, Vincent H Pala chun Shillong-ah chanchinbumihai inhmupuiin Tipaimukh Dam bawl ding chungchangah hmawsarumin thuthlukna siem ni naw ni a, mipui hai ngaidan chu lak hmasa phot ning a tih, tiin a hril.

India Prime Minister Pu Manmohan Singh ngei khomin Tipaimukh Dam bawl leia tuortu ding a sevela mipui hai le Bangladesh sorkar ngaidan khom lak ning a tih, tiin a hril thu Pu Pala chun a hril bawk.

Bangladesh sorkar chun Tipamukh Dam bawl ding hi a ngaiven ve hle a, nikum July thla khan Bangaladesh parliamentary delegation member 10 hai khomin aerial survey an hung nei nghe nghe a nih. Bangladesh opposition party Bangladesh Nationalist Party thruoitu Khaleda Zia khomin India PM kuomah lekha thonin Tipaimukh Dam bawl lo dingin a ngen bawk a nih.

July 12, 2010 khan Manipur CM Ibobi Singh chun Manipur sorkar in Tipamukh Dam bawl ngei ngei dingin hma a lak thu Assembly House-ah a puong bawk a nih.